Bordi për vlerësim në arsimin e lartë

Bordi i Vlerësimit të Arsimit të Lartë është organ kolektiv ekspertësh që:

• monitoron veprimtarinë e institucioneve të arsimit të lartë që janë akredituar dhe u është lëshuar aktvendim për fillimin e punës;
• monitoron dhe vlerëson cilësinë e veprimtarisë së arsimit të lartë, punën kërkimore, artistike dhe profesionale të kuadrit akademik të institucioneve të arsimit të lartë, veçanërisht programet e tyre studimore (në përputhje me standardet dhe procedurat e pranuara të udhëzuesit të zbatuara nga Shoqata Evropiane e Sigurimit të Cilësisë në Arsimin e Lartë);
• dhe kryen punë të tjera të përcaktuara me Ligjin për Arsimin e Lartë (“Gazeta zyrtare e Republikës së Maqedonisë” nr. 82/2018).

Bordi i Vlerësimit përbëhet nga pesëmbëdhjetë anëtarë, përkatësisht:

• gjashtë anëtarë nga radhët e profesorëve të punësuar në universitetet në Republikën e Maqedonisë, të zgjedhur me votim të fshehtë nga Konferenca Ndëruniversitare,
• gjashtë anëtarë të emëruar nga Qeveria e Republikës së Maqedonisë, nga radhët e profesorëve të punësuar në universitetet publike në Republikën e Maqedonisë,
• një anëtar i emëruar nga organizata më përfaqësuese e punëdhënësve,
• një anëtar i emëruar nga Akademia e Shkencave dhe Arteve të Maqedonisë,
• një anëtar i zgjedhur nga radhët e studentëve të zgjedhur nga Konferenca Ndëruniversitare.

Midis anëtarëve të Bordit të Vlerësimit të zgjedhur nga Konferenca Ndëruniversitare, duhet të ketë të paktën një anëtar nga radhët e profesorëve nga secila prej gjashtë fushave kërkimorо-shkencore të nivelit të parë sipas klasifikimit ndërkombëtar të Fraskatit (shkencat matematiko-natyrorе; shkencat teknikо-teknologjike; shkencat mjekësore dhe shëndetësia; shkencat bujqësore dhe veterinare; shkencat sociale dhe humane).

Anëtarë të Bordit të Vlerësimit nuk mund të zgjidhen personat e zgjedhur rektor ose prorektor të një universiteti, dekan ose prodekan të një fakulteti, përkatësisht drejtor i shkollës së lartë profesionale, drejtor i institucionit shkencor që ushtron veprimtari të arsimit të lartë, anëtar i Këshilli Kombëtar ose anëtar i Bordit të Akreditimit.

Anëtarët e Bordit të Vlerësimit zgjidhen, përkatësisht emërohen për një periudhë katërvjeçare, pa të drejtë rizgjedhjeje.

Me përjashtim të paragrafit të këtij neni, anëtari i Bordit të Vlerësimit zgjidhet nga radhët e studentëve për një periudhë dyvjeçare, pa të drejtë rizgjedhjeje.

Bordi i Vlerësimit i paraqet Ministrisë së Arsimit dhe të Shkencës dhe Këshillit Nacional raport për punën gjashtëmujore.